يا والله اللي راح في اليوم شايب
في يوم عاشورا قدم فيه غايب
شوف اللحد شوف الكفن والنصايب
أودع دموع الناس حمر اهمالي
واللي حضر راحت اضلوعه حطايب
يا والله اللي صابه اليوم صايب
تشوف حاله يوم سوى عجايب
وحالي مثل حاله وفالكبد صالي
وسط اللحد حطوا رفيع المهابه
واكفوفنا هلت بقبره ترابه
يا رب تلطف به وخفف عذابه
واجعل موازينه اثقال وعدالي
وعند النشور اجعل اكتابه بيمناه
وفي جنة الفردوس يا رب مثواه
يا من سجدنا له ونرجي المعافاه
الطف ابحاله ياعزيز الجلالي
واللطف بحال اللي ابثوب الحدادي
أمست وكاسيها الباس السوادي
تبكي وتمشي في المجالس اتنادي
تشوف مدهاله من البيت خالي
تقول وين اللي بالأفعال جادي
راعي المروة والكرم والسدادي
هي تحسبنه عقب ما غاب بادي
غاب القمر ما عاد يبدي هلالي
تقول وين اللي كريم جوادي
يا ناس حبه راسخ في فؤادي
راع الفعول الوافيات السنادي
يا والله اللي راح للربع غالي
ما تنفع الونات ما فات فاتي
عزاه ما قدم من الطيباتي
بيحيه وادعي له ابعفو وثباتي
في الفرض والسنة ابغفران والي
وآخر هجيع الليل بالدعواتي
بعد الشفع والوتر والنافلاتي
الله يجعلها من الصايباتي
ويجعل مقامه عند واليه عالي
ثم التفت وشفت هاك البناتي
سون سوايا عبرت عن سواتي
تغرقن اشيالهن والعباتي
احزني المنظر وكثر السؤالي
واطفالهن يمشون معهن احفاتي
طول النهار وطول كل المباتي
وعيونهم بدموعهم غارقاتي
ما جفت ادموع الصغار الغوالي
تقول رش الغيم فوق النباتي
وقتٍ جميع اوقت راحوا شتاتي
يبكون راعي تم والموجباتي
كم يوم للأحمال في الضيق شالي
وانا بقلبي مثل حزن الصغارا
غزير دمعي من عيوني تبارا
يسكب على الخدين تقول نارا
يفوح من فرقا عزيز صفالي
واللي ذبحني شوف سود الخمارا
الله أكبر من دموع العذارا
تفوح وان مسحت تزايد اغزارا
ما عاد ينفعهن كثير العذالي
غير الرفاقه والأهل والقرابه
كم واحدٍ ممسٍ قوي صوابه
يبكي على شخصٍ عزيزٍ جنابه
فيحان وافي المرجله والخصالي
حزن على موته رفيع المقام
اللي معه ذكراه في كل عام
راع الكرامة والوفاء والتمام
أثنى عليه بكل فعل ومجالي
وجونا يعزون الرجال الثقيلين
اللي على الطولات والطيب وافين
حزنوا على فقده وبالله داعين
يجعل مقامه يوم لقياه عالي
تبكي على فيحان كل القبيله
راع الفعول الطيبه والجميله
راع الشفاعه والعلوم الجزيله
مع نايدين الناس واللي موالي
فيحان يوم ان السنين الشديده
راع الجمايل والفعول المجيده
لا جاله العاني لقا ما يريده
ريف الضيوف وريف صفر الدلالي
لاشافهم رحب ويبلج احجاجه
وقف وهلا وانقضى كل حاجه
عزالله انه فالمواقف ايواجه
دايم قدم ما يوم شافوه تالي
راعي الكرم لو هي تقل المصاريف
مايوم حسب عن كثير التكاليف
راعي الصحون اللي تقلط على الضيف
يا ما نطل فيها من أغلى الحلالي
أثنوا عليه ارجال كل القبايل
اللي يعرفون الفخر والجمايل
فيحان فعله دايم الدوم طايل
من الرجال اللي رقوا في العوالي
يا الله عسى الفردوس منزال فيحان
يا واحدٍ نرجيه توبة وغفران
عفوك عظيم وكاتب وضع الإنسان
بدنيا حياة الناس فيها زوالي
تمت وصلى الله على صفوة الناس
أوضح لهم دين على نهج وساس
على المحجه واضح ما بها إلباس
من زاغ عنها هالك فالضلالي
