انا شاقني يابو بدر من سكن بالجوف
سكن بالضمير وحاجز الصدر من دونه
تولعت بالمزيون واقفي بلياء ظروف
عليه اشتكى والدمع بالعين مكنونه
فقدته ونا يا صاحبي واطي العاصوف
سموم الهوى والقيظ واليوم بمزونه
تخلا وخلاني ولا بالهوى معروف
ذبحني وصار القلب ينبض على هونه
الا واعذابي صرت بعده انا ما شوف
سوا ضحكته والقرب ما عاد يطرونه
حبيبي نوى هجري وقفي ونا ملهوف
على شوفة اللي يبس القلب بعيونه
رماني بسهم الحب واصبحت انا معروف
اسامر نجوم بالمجره يشوفونه
انا شاقتي يا بو بدر ضامر السر جوف
حلف واقسم انه للأبد ما ينسونه
خذاني وليفي فوق همس الهوى بكفوف
يداوي جروح بالخفا ما يعرفونه
