مرحوم يا بوي القضا جاك وثبت
رحلت عنّا للرحيم اللي بغاك
في يوم تاسع هالبشر جت وادفنت
وتركت دنيانا يشوّقها لقاك
روحك طهور وللبري فوق اعتلت
مسبوقة بالخير والخالق عطاك
كل البشر يابوي صاحت وازعلت
ودموعهم تذرف تبين وش غلاك
وكل البشر يابوي بالخير اذكرت
في دنيتك قدامك وحتى وراك
ليت الأراضي ليت من مثلك ملت
جل القدير اللي عطاك وهو كساك
فرقاك صعبه والحزن قال ابتدت
والقلب توه يذكرك لاما نساك
جعل المجيب ايحقق ونفسي رجت
ومبارك ونوره يجمعكم رجاك
في جنة الفردوس به ربي علت
وعبير ناصر ترتجي تلقى مناك
ومرحوم يا شيخ الجماعه وانتهت
رحلت عنّا للرحيم اللي بغاك
