يامل عين حاربت لذة النوم
ما طبقت الأجفان طاول سهرها
يا للي تلوم الروح ما نيب مليوم
ما شفت عيني يوم هلت عبرها
نوع يسج القلب ونوع به حلوم
والنفس يا مشكاي دشت خطرها
القلب كنه بالمسامير مرسوم
والرجل كنه بالمشوّك كسرها
يا طير ياللي في الهواء تكسر الحوم
للمقبرة عجل وعطني خبرها
من اللي لفاه الاجل والاجل محتوم
عساه من اللي واسعات حفرها
يا خالق روحي وانا كنت معدوم
يا منجي ذا النون لجة بحرها
يا رافع سبع سماوات ونجوم
ويا خالق الجنة ومنبت شجرها
لعل ناصر وسطها دايم الدوم
يشرب من انهارس ويقطف ثمرها
يا الله عسى من الحور ما هوب محروم
تبقى حياته دايم ما خسرها
وصلاة ربي عد ما خط مرسوم
عد الضلوع اللي رفيعا حجرها
على النبي اللي من الذنب معصوم
عداد ما كتبت حروف وسطرها
