في القلب نبره صوتها منك مبحوح
غطت على شوقه وباقي حنانه
وفي العين لك دمعه حزينه من البوح
ومنديلها المبلول يرثي زمانه
يا اللي غلاتك عندي اغلى من الروح
وفي القلب لك عندي مقر ومكانه
ابيك تسأل نفسك اليوم وتروح
من هو الا من غبت بحيا عشانه
مايكفي إني شلتك احساس مجروح
ما يكفي اني ذقت منك المهانه
ذليت لك نفسي على غير مصلوح
إلين ما وصلت لحد الأهانه
اسمع يقولون الهوى درب مملوح
ومثل البحر دايم في اخره دانه
وما عاد لي قدره على الدمع والبوح
وما عاد لي في خانة الحب خانه
يا ليتني اقدر وانا اقول مسموح
واشيل باقي ذكرياته امانه
ويا ليت يسأل لابغى عني يروح
من هو الا من غاب بحيا عشانه
