بديت باسم الله عظيم الجلالي
الو احد المعبود رب البريّه
سبحانه الوالي على كل والي
عليم ما تخفى عليه الخفيّه
ومن بعد ذكر اللي عليه اتكالي
لأميرنا الغالي نزف التحيّه
تحية أحلى من حلى كل حالي
لبو فهد سلمان منّي هديّه
هدية لك يا كريم السبالي
وتستاهل أكثر يا زبون الونيّه
أهلاً هلا بك يا الأمير المثالي
يا كاسب الناموس في كل هيّه
يا مرحباً بك عدّ وبل الخيالي
وعداد نوّار الفياض العذيّه
غالي نعم يا عالي المجد غالي
يا تابع بالعدل سنة نبيّه
كريم سبلا اللي رقى للمعالي
حرٍ ولد حرٍ عزومه قويّه
انتم هل الطولات وأهل العدالي
وأهل الوفاء والجود وأهل الحميّه
وأهل العلوم الطايله والفعالي
وأهل الكرم وأهل العطايا السخيّه
وأنتم هل العليا بليا جدالي
ندعي لكم بالعز من صدق نيّه
حكامنا آل سعود نعم الرجالي
أولاد مقرن خيرة الوايليّه
مثل الجبال الشامخات الطوالي
لهم الولا مادامت النفس حيّه
وسلامتك يا مير طول الليالي
الله يمهل لك سنينٍ مديّه
