يا شارب الدخان أنا لك نصحان
نصيحة من قلب مخلص وواعي
الأوله جسمك مع الوقت تعبان
متهدوناً دايم ولابه مناعي
والثانية دمك تلوث بقطران
والضغط عندك ماشياً بارتفاعي
والصدر ضايق بالنيكوتين مليان
والدم بالشريان جاه انقطاعي
وإليا قعدت الصبح دايخ وعمسان
والجسم ياكن فيه سم الأفاعي
والثالثة كل المرض والسرطان
منه يجي للعبد ما به نفاعي
والرابعة يا شارب التتن غلطان
تحرق ريالك بالخزي والضياعي
شيٍ محرمه الولي فيه نقصان
عليك يا للي تشربه باقتناعي
أبعد وعن دربه توقى بالإيمان
في طاعة الرحمن خليك ساعي
أو الفروض الخمس لا وقتها حان
في طاعة اللي لأمره الكل طاعي
واللي جزى بإحسان يجزى بالاحسان
تذكروا يا أهل العقول الرفاعي
والخاتمة صلوا على سيد عدنان
محمد المختار يوم الشفاعي
