يا فزعة المنضام عن ما يعيقي
يا سيدي سلطان بحماك يلجون
ان حدّهم جور الزمن بالمضيقي
شعبك يا بوخالد بظلّك ينامون
يا منقذ المسكين من كل ضيقي
وامسوا هله في كل الأوقات يدعون
يدعون لك بالخير يامن تويقي
على يتامىً قاصرين يحارون
وكم واحدٍ محكوم للموت سيقي
وصاروا ربوعه عنه بالفعل ينحون
بإذن الإله أصبحت نعم الرفيقي
وأنقذت نفسه لو طلب كم مليون
تنفق بجد.. وغيركم ما يطيقي
ترجي ثواب اللي ببيته يطوفون
يا فزعة اللي قال لك.. نش ريقي
ما كل ناسٍ للمشاكل يحلّون
ما للمشاكل لاستوت بالطريقي..
أحدٍ يذلّلها بعد خالق الكون..
إلا أنت.. يا مبعد عن المستضيقي
جملة همومه والعرب له يهنون
بفعلك.. ومدّاتك.. تغيث الغريقي
إللي غرق والحال من دون.. في دون
سلطان لاقامت بالامة تضيقي
جودك فرج عن كل من بك يلوذون
وهبك ربٍ يوم شب الحريقي
على الخليل أطفاه بالكاف.. والنون
وهبك عقلٍ كل وقتك يفيقي
وعزمٍ ..وحزم.. ولطف.. وابليس ملعون
عسى الإله بيوم كرب.. سحيقي
يجعلك مع ناس.. بخلده يعيشون
لاجا لجل الخلق ضنك.. وشهيقي
بالمحشر اللي فيه خلق.. يونون
ونصب الصراط وصارهمٍ ..وضيقي
يفرجلك اللي عز موسى.. وهارون
وتعبر صراطه مسرعٍ ماتعيقي
وكتابك بيمناك مع من يفوزون
