تسأل الدعجاء عن اللي يبدعون
كيف أببدا.. جابتك يا مبدعه
هو صحيح إحساس هالعاشق يهون
هو صحيح الجرح يلقى مصرعه
الليل لو ردد تغاريد ولحون
لو نثر ورده وتهادى يجمعه
لو يناجيك بتباريح وشجون
لو من الشعر البديع وأروعه
لو تصور باجمل رموش وعيون
لو يجيب الماس وأسراره معه
مستحيل يعوض الحب الفتون
ويمحي إحساس الغلا أو ينزعه
الحبيب الشمعة الجو الحنون
يطفي إن هبت رياح مفجعه
ينجرح والجرح أصعب ما يكون
يبتعد.. ينسى ولا أحد يمنعه
فرحة اللحظات شاريها مغبون
راس ماله الحقيقي ضيعه
للهوى عهد له العاشق يصون
ويبني لحبه رفيع الأشرعة
