هذا وطنا قبلة للمصلين
مهبط وحي رب العباد ورسوله
الله شرفها بلاد الحرمين
فيها الامن والدين تدرس اصوله
شبه الجزيرة كلها منبع الدين
نفخر بها وللعُرب والله بطوله
بلد امين وفي يدين الامينين
حكمٍ عسى رب الملاء ما يزوله
واللي جرى بالعاصمة يوم الاثنين
شين من الارهاب يرفض قبوله
مهمنا من يتبعون الشياطين
وناسٍ بحكم الدين والله جهوله
الحمدلله للشريعة ملبسين
نحكم بشرع الله وكلاً يقوله
في ظل حكامن على العدل ماشين
آل سعود اهل الوفاء والرجوله
نعم يا بو فيصل خصيم المعادين
حنا معك باللي تبيه وتقوله
وحتى لبو متعب ترانا موالين
شعب الجزيرة كلهم ايدوله
ومهما حصل ياديرة العز تبقين
تبقين رغم اللي جرى اعز دوله
وصلاة ربي عد مايكتب السين
على نبي رب العباد ورسوله
