فمان الله يا محمد..
فمان اللي خذاك ما شاور أحد
الله ولي الناس.. الله أحد
فمان الله..
يا الضحكة البيضا سحاب
تمطر ظلال وطيب
فمان الله..
بالوفا الضارب بالقلوب اطناب
ما زرعت إلا صدق..
وما جنيت إلا حبيب..
* * *
تكفون عزّوا الشيخ ودع محمد
الله يعينه والفقيده فقيده
الجرح ينزف بس ما ينتضمد
مثل الكواسر والحشا مثل بيده
الحزن ضاف الشيخ غصب متعمد
الضيف ضاري والمضيّف وليده
الله يقبل دعوته والتحمد
الموت يوجع لكن الله يريده
* * *
مهما يطول العمر لابد ناصل
ومهما كبرنا ما كبرنا على الله
آمنت باللي لابغى الشيء حاصل
ياخذ عطاه ونستكين ونجله
ما بيننا والموت سور وفواصل
أيام تحسب بالزمن والأهله
والى انقضت يحرم علينا التواصل
ويبدا الخلود اللي له العمر كله
علموا لين الدعا وعلموا معها ليان
علموهن ياصلنه
علموهن عن ابوهن
كيف يمشي
كيف يضحك
كيف يختار الكلام
وكيف السلام
علموهن يشبهنه
كيف يمسن على طيفه
وكيف يصبحنه
علموهن انه حي
عند ربه
وفي قلوب اللي يعرفونه
حتى لو يعرفونه شوي
| 
