خلاص من الشقاء والهم والغربال ياعيني
كفايه واكتفينا والغلا يا صعب توصيفه
ألا يا زين بأحلام الشقاء وينك موديني
بحرك يهيج والقارب غدت مني مجاديفه
غرقت ببحرك العايم وصرت اليوم ناسيني
لكن الى يعرف العشق ما ينسى مواليفه
سحرت عيون عشاقك ونظرة ود تكفيني
ترى قلب المولع يهتوي ويود من كيفه
ولا به قلب عاشق يا حبيبي يجمع اثنيني
هلا بك مسكنك في خافقي حييت يا ضيفه
تراني صفحة كتابك تصرف وانت زاهيني
زهاني بالغلا خلّ تونسني سواليفه
سواليف الشرف يا صاحبي تبقى عناويني
على وضح النقا تاج الشرف يزهاك تشريفه
