ليتك تحس بخافق من عنا البين
يبغا التسلي مير مابه تسلي
يشعل شموع وتنطفي لأجل غالين
وتمر به ذكرى زمان مولي
تايه وحيد وسكتي وينها وين
صرت الغريب وديرتي عين خلي
صبح الشتاء يشكي ويسأل من سنين
عن كل نسناسٍ بطيفه يطلي
لاغبت كن الناس عني مقفين
وانت بغيابك ما دريت أش حصلي
متى على الله تفهم القصد وتلين
قل لي فديتك يا بعد كل من لي
سقت القصايد وانتثر فيك حرفين
حتى الكلام بشوفتك ما يملي
مدري غلا والاَّ غرام المحبين
والاَّ شقا لعيون صد وتغلي
