حبيبي عن صباحات الزمان المر والالام
احاول اكتم الواقع واغالط خافي احساسي
اكابر.. واتجاهل.. واجحد اللوعات والاوهام
اعايش علقم احزاني.. واجامل همي القاسي
وانا كل ما نويت اجزم واعدل واهي الهندام
اشوف الوقت ينهرني.. ويضربني على رأسي
رضيت اعيش.. واتحمل.. واعاني قسوة الايام
بضم الصمت في نفسي والملم حزني.. وياسي
اشوفك مثل حظي للاسف من طيحته ما قام
ذبحني البرد.. واحتجتك.. لقيتك كاسر فاسي
تخيلتك تجي كلك.. واشوفك مقفيٍ قدام
يا ناسي يشرب الذكرى خفوقي.. وانت لي ناسي
حبيبي هالغلا هد المساري.. والدروب هيام
وانا والله.. ثم والله.. احبك وانت هوجاسي
حبيبي انت بالدنيا.. شقا عمري وانا منضام
حبيبي لا تعذبني.. واغالط خافي احساسي
