يا صاحبي قلبي من الحب مجروح
وأنا الأسير اللي بحبك ملكته
لي مشكل عندك له سنين مطروح
الظاهر إنك في غيابي تركته
كانك علي أخطيت منته بمسموح
تخطي عليه بعد قلبي شركته
عالج صواب الروح يا مالك الروح
قلب عن قلوب الأوادم فلكته
قدام اعرفك خاطري كان مشروح
واليوم قلبي ضايق من حركته
كم واحد قبلي من الحب مذبوح
صابه من الضيقات والهم سكته
راح الزمان اللي سعادات وفروح
وضده طلع وقت قليله بركته
منه الضماير والمشاعر لها فوح
والحظ مقفي والليالي ظنكته
وانت الحكيم اللي مجرب وممدوح
قدمي طريق أهل المحبة سلكته
