انا ما تهيا لي بعمري وهالني
اقع ليلة يقلب شعر من حكابها
يوم على الديبل تطبع به الخشب
وكم غافل جت قدرته ما درابها
ضربنا بنصف الليل نصف من الشهر
شهرنا ربيع اول بعدة حسابها
دالوب غربي من الله تديره
ثلاث ساعات ينفض ربابها
والى ضرب بالموج موجه يشيلنا
وشفنا الهوايل يوم زاد اقتلابها
في غبة والموج يركب على الدقل
ويوم هدير القوع يقلب ترابها
تفرقوا من غير عقد وجيزه
ونفوس زلم ما يعدد حسابها
كم جالبوت فأول الموج سمرت
وضاعت جزاويها وقصت خرابها
ياما غدا به من صبي وشايب
ومن نواخذ غالي ومال غدابها
لا هوش غلمان نهوش ونمتنع
ولا قارة في البر نزبن هضابها
وخلاف ذا يا راكب فوق حره
عملية ناقينها من ركابها
ملفاك نجد مغيرة كل منكر
قوامة للدين تهفي رقابها
دار لنا تدي للضيف حقوقه
ما بيعت فنجالها في شبابها
يجيك كل مشورب يطلب الخبر
ينشد عن الطبعة وش اللي جرا بها
ينشد ونابه غارس في بهامه
وصدره مقابيس تواقد لهابها
وكم عيطموس تنثر الدمع عينها
من عقب الاثمد والطرب في خضابها
