الدنيا فيها العجايب يا ويش تسمع وويش تشوف هذا مشغولٍ بالطاعة وهذا عاصي بالمكشوف وهذا ينفق ملايين وهذا ياكل بالمعروف وهذا تشبعه التفاحة وهذا ياكل له خروف وهذا عينه مثل الساعة وهذا عمى ما يشوف وهذا معروفٍ بالخير وهذا يمنع المعروف وهذا يجمع مثل النملة وهذا يوزّع للضعوف وهذا محبوبٍ فالعالم وهذا منبوذٍ ملقوف والعاقل يشوف ويوحي ويختار الدرب المألوف والجاهل دايم في غفلة لا يسمع ولا يشوف صلّحت ظروفك فالدنيا وبعد الدنيا منين ظروف فكّر فالحاضر والغايب وقسّم وقتك بالمنصوف لابدك يوم مغادرها على نقالٍ ملفوف ويجونك نكير ومنكر وأنت بحفرتك امحذوف ما معك فلوسٍ تعطيهم ولا قدمت الهم معروف أصبح مصيرك مجهول بين الرجاء وبين الخوف انقذ نفسك يا مسكين دامك تقدر الوقوف البرزخ يا كثر سنينه والدود احسن ما تشوف وتساق إلى المحشر اجرد وتحاسب والناس تشوف من فاز إلى الجنة يذهب ولا لجهنم مكتوف |
مطلق بن محمد بن بادي البراق
| 
