صحيح انتي قمر بين البشر رب البشر حلاك
وعلى عرش الجمال ومالك منافس تربعتي
وصحيح اني بنيت القافيه وحروفها تنصاك
وصحيح انك بحسن الخلق والعفه تمتعتي
وصحيح اضحيت عاشق حيل ما مثلي بشر يهواك
تدلعتي على الحب وعلى اشواقي تدلعتي
ورضيت اكون انا والشوق والقلب الحزين فداك
وملكتيني بحبك ماشريتي فيّ وابتعتي
لكن قضية ان الحب سوط اذلال في يمناك
وعن جروحي المحبه والتجني ماتورعتي
هذا اللي ما قبله لو النتيجه بعدها فرقاك
ولو قلبي تولعبك ولو انك تولعتي
تحملت وصبرت وباح صبري ما كسبت رضاك
توقعتي ولاشي من الواقع توقعتي
يمشيني هواك وفي غرامي ماتسير خطاك
وعن القاسي من ظروفي لتعذبي تبرعتي
غرورك عن جميلات المشاعر والغرام الهاك
وطبعك ما خفاني لو على طبعك تطبّعتي
وذبل عرقٍ شربتيبه غلى ومن الغرام اسقاك
ما دام انك حسبتيها غلط لي وتسرعتي
تراني مستعد اعصى هواي ومستعد انساك
ولو انك وسط قلبي وبعروقي توزعتي
قبل لاقطع رجايه منك ومني تنقطع رجواك
لعلك عقب تحذيري عن اسلوبك تراجعتي
وكان انك تماديتي وتميّتي على عمياك
فانا ما عندي علوم يكود اللي تسمعتي
