إن كان تبغاني مثل مانت خابر
عطني أمل أعيش به لين ألقاك
قلبي وأعرفه زين ماهوب صابر
والله ما يرتاح إلا بلا ماك
تعبت وأنا اتحمَّل واكابر
وأقف على هاك الطريق اتحراك
يمرني طيفك مع الحلم عابر
ويا زين حلمٍ تالي الليل خاواك
صدري غدى لجروح بعدك مقابر
الله من جرحٍ شهق يوم فرقاك
ذكراك صارت لي طريق ومعابر
أعبر بها النسيان.. واضم مرساك
الله يقطع للجفا كل دابر
يومه حرمني لذة الحب وإيَّاك
مليت من كثر الحكي فالمنابر
باقول لك شيء ولا أظن يخفاك
الشيب لو غطَّى جميع الصوابر
عندي أمل يوم من الأيام ألقاك
