البارحة عيني حريبٍ لها النوم
يومٍ كلٍ نام عجزت لا نام
ساعة سمعت العلم عن ابن سلوم
علم قريته بالجرايد والأعلام
أمسيت في همّ وتصبحت بهموم
همٍ يبي يبقى على طول الأيام
إمصيبة ما يجبره شعر وعلوم
حكمٍ ولا ينقص مثل بعض الأحكام
امر من المولى إ مقدر ومحتوم
ما قدره نرضاه ذا شرع الإسلام
مالي جدا إلا أقول عساه مرحوم
الله إ بجنبه الخطايا والآثام
له سيرةٍ عطرة على دايم الدوم
لا حلَّ ذكره قيل له سبعة أنعام
يبكي عليه الشعر يوم بعد يوم
علم الى عد واهل الشعر الأعلام
ابكيه من طيبه ولا يلحقن لوم
لو هو تميمي وانا من بني لام
الطيب بالدنيا توافيق وقسوم
ولا العمل يلقاه راعيه قدام
صلوا على اللي من خطاياه معصوم
ما جنّ ليل وما جلى الصبح الأظلام
