يا عامل المعروف في غير راعيه
تبغى التجارة وانت في السوق خسران
ما ينفعك يوم الطلب عند داعيه
يضيع ما جاله مع الحي عنوان
بعض البشر مهما من الجود تعطيه
لا شكر منه لا ولا كفة لسان
هذا زمان المصلحة اصبحت فيه
كلٍ رفيقك لا غدا الجيب مليان
الطيب فعله ما تقدر مساعيه
ولا يدركه من به زيادة ونقصان
عليك بالطيّب وللطيب راعيه
عند الشدايد ما تعذر كحيلان
يرعاني الطيب وعيني تراعيه
عشره متينه ما تقدر بالأثمان
أرافق الطيب ولا نام اوعيه
والبيت ما يبنى على غير عمدان
