رسمتك يا وطن لوحة جميلة تسحر الألباب
يناظرها السعودي بكل إعجاب ويحييها
رسمتك يا وطن صورة تثير الحب والإعجاب
لمن هو مقيم في أرضك ومن هو ساكن فيها
أحبك يا وطن وأشتاق لك في حسنك الجذاب
وغيرك من بلاد الغير حشا الله ما أبيها
نعم في يومنا الوطني لبسنا من الحبور ثياب
وهذي وحدة الأمة روّينا من سواقيها
تعود بأرضك الذكرى على الأخوان والأصحاب
ونترحم على مؤسس حضارتنا وبانيها
رحمك الله يا عبدالعزيز الفارس الوثاب
وسبحان الله اللي يؤتي الحكمة ويعطيها
جعلت من الجميع أسرة وكيان واحد وأحباب
وسارت سيرة عطرة جميع الناس ترويها
نشوف المملكة مضرب مثل، بل منظر خلاب
تسر النفس نهضتها ومكانتها.. ومباديها
وواجبنا الشكر الله ثم الأخذ بالأسباب
وحبيبتنا السعودية وحبايبنا آهاليها
نشوف جهود أبنائك من أهل الشعر والكتاب
ومن شارك بكلمة صادقة باتت مواريها
من القراء والآباء والأطفال والطلاب
مشاعر حب يرويها الجميع ويفتخر فيها