عاد الأمير وزادت أفراح الأوطان
يعود محبوبٍ ويفرح محبين
الشكر للمعبود سلّم كحيلان
وأضاءت البسمة وجيه الملايين
انتابعه بالعلم والقلب شفقان
وندعي لنايف بالسلامة مصلّين
عساه سالم من صواديف الأزمان
ويعطيه رب الكون قوة وتمكين
نايف وزير أمن الوطن عالي الشان
للعدل في يمناه عدل وموازين
أمن الوطن هو هاجسه وين ما كان
حتى وهو يخضع لطب المداوين
نايف على اسمه نايفٍ جود واحسان
وحزم وعزم ولجام للمستخفين
إليا تكلم يورد القول مليان
قولٍ على فعلٍ وفعل ابراهين
يوم الحدث حامي وبه ناس فتان
قال استكينوا لامن الأوطان صاحين
نايف وراس المجد والطيب صنوان
ما هو بقولي قول كل المحقين
متسلسلٍ من روس وافين الايمان
حكامنا ستر البلاد الميامين
آل سعود اللي على الدار هتان
المخلصين الصادقين الرحيمين
وعاد الأمير وزادت أفراح الأوطان
يعود محبوبٍ ويفرح محبين
