أحلا خبر والله قريته وفزّيت
بشراً تزف لنا بصدر الجريده
عودتك يا نايف بعد ما تشافيت
أضفت على هذا الوطن يوم عيده
يا مرحباً حييت يا طيب الصّيت
رحله سعيده ثم عوده حميده
نهتم من بعدك ونفرح ليا جيت
وهاذي مشاعرنا تفوق القصيده
ما ينحصر حب الملايين بالبيت
بيت الشعر بحر المشاعر يكيده
فيضٍ من قلوب البشر يوم حلّيت
بنك المحبة زاد نايف رصيده
حاولت أصور فرحة الناس وازريت
لكن يكفي جبت جملة مفيده
ابا ابتهل للي له الخمس صلّيت
يحييك يا نايف سنينٍ مديده
ويحرسك ربِّي كل ما صبحت وأمسيت
والعارض اللي فات ما الله يعيده
اسلم سلمت مطفئٍ للكباريت
المعبثين أهل الفعول المريده
يا سيِّدي والله ان اقبلت واقفيت
نايف ونايف في وصايف عديده
