نخيت الشعر ديوان العرب يجزل لي التعبير
وجاء كله تقول إنه عن الي بالصدر داري
وقال أبشر ما دام إن الهدف نايف.. فنايف غير
وزير الداخلية نفخر بطاريه ونماري
وأنا لو ما درست الطب حاله ما تبي تقرير
ما دامه ياقف الساعات والساعات ما يداوي
هلا بك طيِّب معافى كثر حبك لفعل الخير
كثر ما تحرص إنك ما تجيب لفزعتك طاري
كثر حرصك على الأمن وكثر سعيك إلى التطوير
كثر ما مدَّت يمينك وقلت اخفي عن يساري
هلا بك كثر ما ترفع شعارك.. «لا للتقصير»
وأكبر شاهد الأعزل لحاله بالخلا ساري
ولا همّه سرى لطريف متوجه من الخرخير
ما دام الأمن وارف لا نشدته قال لك ضاري
رقى بالأمن سلم قمة التتويج والتقدير
يا مير أنت الذي تستاهل تغني بك أشعاري
وحنَّا لك وبك قوة ولا يبغى لها تفكير
ولا نساوم على دين الله البايع ولا الشاري
كلاب الشر لو تنبح قوافلنا تحث السير
ولو هاج البحر قلنا مردك يا بحر عاري
ولا نسمع صدى أصوات العدو لو حاول التمرير
لذا.. أمن وأمان وخير توفيقٍ من الباري
