ا لحمد لله والشكر والثنا له
طاب الفهد يسلم وتسلم عيونه
عافاه رب الكون والشر أزاله
وفرح الوطن كله وزالت شطونه
يسلم لنا اللي حاكمٍ بالعدالة
اللي ليا ضاقت عليهم يجونه
القايد اللي من نصاه ارتكا له
له موقفٍ مشهود ما ينكرونه
فهد الوفا لا قال قوله عقاله
زعيم رايه دايمٍ يتبعونه
بسياسته معروف والكل قاله
تاريخ يشهد والملا يذكرونه
عاش الوطن في خير والهم شاله
فهد العروبة شعبنا يشكرونه
يبقى الوطن عامر ويبقى رجاله
حكامنا اللي ليلهم يسهرونه
من شان ننعم دوم في زين حاله
هم الحكومة شعبهم يسعدونه
ويا حلو نظم الشعر لا جا مجاله
بيت الشعر يظهر بشكله ولونه
