مع الأسف خانك التقدير والصوره اضحت رمادية من قال لك ما سعى في خير صف الكلام وحكا فيّة مغليك ما يعرف التقصير يا بنت أنا صادق النية عن حبنا يصعب التغيير واشواقنا توها حيه الصدق ما يوصفه تصوير والشمس تفرق عن الفيه لحالنا نختلف ونغير ولحالنا ندمح السيه نسيتي يوم ان قلبك طير ياخذني بكل عفويه قلتي لي أنساك لا ما يصير من هجرك أموت منسيه وقلتي بسميك عمري مير العمر أيامه شويه نظمت لك صافي التعبير ما داعبك طاري الجيه؟ بخير ما دامك انتِ بخير لكن روحي شقاويه ترى الغلا غير.. والله غير وآخر علاج الغلا كيّه |
محمد صالح الخلف
| 
