قالوا جده غير قلت الطائف أحلا
هو مصيف المملكة والمسلمين
يهدي الترحيب بين أهلا وسهلا
للكرام اللي لداره زائرين
مركز النخوة ومركز قيلة أهلا
ما سكنه إلا الكرام الطيبين
فيه سوق عكاظ من عصر تولا
شوفة الطائف تسر الناظرين
ماضي وحاضر وتاريخ تجلا
من عصور أجدودنا الأولين
يفتخر بالخوخ والعسل المحلا
والعنب والتوت وأيضا فيه تين
والرياحين اللي على روضه تدلا
والورود الزاهية والياسمين
فيه جو فاق عن جو المكلا
يشرح الخاطر يثير العاشقين
من شماله لين شرقيه تعلا
لا جنوبه لين غربيه يزين
يا مصّيف روح للطائف بعجلا
واغتنم لك في رياضه ساعتين
لو تصيف فالشفا ما عنه تسلا
جو مثل جنيف وأحلا حبتين
مر (فرح لاند) واسكن لا تغلا
من سكن مرة سكنها مرتين
ولا تعجل بالهدى خلك بمهلا
تلتقي الرمان يا طلق اليمين
لا تخلا عن مصيفك لا تخلا
عن مصيف المملكة في كل حين
يالعل الغيث يسقينا لعلا
لجل تكمل فرحة اللي مصيفين
في ربوع المملكة حاشا وكلا
ما يضاهي طائف المجد المكين
