دام أزرق الدمع ملكٍ للغني والفقير
ولكل دمعه حرارتها ومقدارها
ويوم المصايب تحركها سلوك الحرير
الدمع يطفي ليا منه نزل نارها
الدمع ذل الكبير وفزعةٍ للصغير
وكم دمعةٍ فالمحاجر ماتت أسرارها
والدمعة التي تسيرها وعيت تسير
ما أحدٍ درى ويش قصتها ولا اخبارها
العين مثل السجن والدمع مثل الأسير
وكم دمعةٍ من قهرها غادرت دارها
للعين دمعة ولكن دمعة القلب غير
يكفي ليا جت تطيح ايطول مشوارها
والوقت يلعب بخلق الله بليا ضمير
كم قصر ايدين ناس وقصر اعمارها
وإن قلت لي ما يصير اقول لك لا يصير
اقصارها اطوالها واطوالها اقصارها
واللي من اجل الرغيف ايشوف شي كثير
مدينة النور ما تغريه بأنوارها
وإلا انت لو قلت في نعمه وفي الف خير
ما دام دمعتك في عينك وتختارها
