غريبه من عطاك الحق نشره شرهة الاحباب
تحاسبني على غياب فتحت بخاطري بابه
غريبة والغريبة كيف تسألني عن الاسباب
غريبة كن لك حق تناقشني عن اغيابه
ترى الشرهة جديدة مالها معنى مع الاغراب
صداها ما يبين الا على الوافي مع احبابه
صحيح ايديت لك نظرة بها نوع منه الاعجاب
مثل ما بديت لي نظرة وكل مبدي اعجابه
ولا فكرت في حب نهاياته عذاب اغياب
تناسيت ونسيت اللي جرى من قبل يحكى به
سريت وهاجسي يسري على غياب يهج الباب
تصدق ما انتظرت انك تلمح لي عن اسبابه
سؤالي باي حق انك تعاتبني عتاب حباب
وانا ما بيني وبينك غرام فاحسب احسابه
