هنيت يا منهو من العقل مسلوب
ما يجرحه لومٍ ولا يبدي عتاب
ولا تشغله دنيا ولا هجر محبوب
ولا يميّز بين ربعه والاجناب
ماهو سواتي جوفه وجار مشبوب
كن الغضى في داخل الروح شباب
لا قيل وش بك قلت تكفير لذنوب
ذنب الوفى عنه ابيض القلب ماتاب
حياتي اللي روحت كنت منهوب
لو قيموها ماسوت حفنة تراب
لا واحسايف عمري ان كان محسوب
ولا حصل لي منه ياكود الانشاب
انا على امري دايم الدوم مغلوب
وش عاد ينفعني لو ابديت الأسباب
ماني على سلم الرجاجيل مغصوب
طبع ورثته قبل ينبت لي الناب
درب الردي صوب وانا عنه في صوب
ماني من اللي لا هرج قيل كذاب
ولاني من اللي نظرته داخل جيوب
ولا ني من اللي لا مدح ينطر حساب
المرجله ماهي عباةٍ ولا ثوب
لا من بغيته تلبسه لجل الاعجاب
المرجلة قولٍ وفعلٍ وما جوب
من طالها لازم يشرع له الباب
