سيدي نايف ولد عبدالعزيز ابن السعودي
ما تشوف البأس يا نايف وزير الداخليه
كلها وعكة وبإذن الله ترقى السنودي
كلها يومين ونشوفك على نجد العذيه
يا الحكيم ابن الحكيم ويا الأسد بن الأسودي
فيصلي الأصل نعماً بالعزاه الفيصليه
ما تعبت إلا من الارهاق في زود الجهودي
اتعبت رجليك جهوداً مواصلها قويه
انت تسهر طول ليلك ما تهنا بالرقودي
فوق ما تسهر مداوم فالصباح وفالعشيه
ليش ما تتعب حفظك الباري الرب الودودي
وانت عنا مرتكي لهموم دنيانا الشقيه
يا ذرانا ملتجانا فالصدور وفالورودي
يا مزيلين الجهل والعمعمة بالجاهلية
ما تهنى ما يروح الغبن من وسط الكبودي
لين ننظر لك تهزع بالصفوف السامريه
ترقص بسيفاً مذهب ماخذه ورث الجدوي
ماخذه ورث الجدود ومحتميه أكبر حميه
انتم أنوار الوطن والعود في عين الحسودي
وانت حلال القضايا كل ما تكبر قضيه
سايدٍ بالأمن فيها من الحدود إلى الحدودي
تردع الظالم ومنهو سولت نفسه بنيه
طول عمرك وأنت تسعى للتقدم والصمودي
في بلدنا الشامخ المرموق ما يوجد حليه
للوطن وأهل الوطن يامير من جودك تجودي
يا قوي البأس وسط الراس يا جزل العطيه
منهو اللي مثلكم يوعد ويصدق بالوعودي
ما نقول إلا رعاك وثبتك رب البريه
بالشفاء العاجل ويدعي قاطب الشعب السعودي
اللهم أحفظ لنا نايف وزير الداخليه
