يا بايع الورد ما دامك تبيعه رخيص
أخاف في تالي أيامك تبيعه بلاش!!
أنا نصحتك نصيحة وأحسب إنك حريص
احفظ ورودك من أسراب النحل والفراش!!
قلته علشان أحنك من مقام نقيض
لكن طرف لك من أمطار السحايب رشاش!!
لا صرت عاري مشاعر لو لبست القميص
ما يسترك عن ملامات العيون القماش!!
كنت أحسب إني قبل ما ذوق جرحك بخيص
وتوي دريت ان عرفي فالغنادير ماش!!
وتوي دريت ان مالي عن جروحي محيص
قلبي على نيته وضلوع صدري هشاش
افز ليمن تذكرتك سواة القريص
لا وآعذاب الخفوق اللي به الهم جاش
أيست ما عاد من نور الأماني بصيص
إحساسي أبعد من حدود الجدل والنقاش
