على الورق ضاعت حروفي ومعناي
بيني وبين اجمل عبارة مسافة
ابحث عن دروبي وذاتي ودنياي
مليت ترديد الالم والحسافه
ابحث عن احلامي وضحكة محياي
مستقبلي مجهول قلبي يخافه
مدري متى ترسي على جال ميناي؟
مدري متى؟ والوقت بان اختلافه
انتي مسافاتي وجرحي وشكواي
انتي لذاك الشوق اخر مطافه
انتي قمر نوره سطع وسط ظلماي
سامر نجوم ساهره في ضفافه
انتي بعيدة وين عن كف يمناي
وشلون اطولك؟ بالعنا والكلافه!!
حبك وحيد بداخلي يسكن! رضاي
واصراري اكبر من زمان اعافه
حبك كبير وكل معناه معناي
ذاك الغلا حلمي وحلمك زفافه!
