ما للعظام من الأمور العظايم
إلا الرجال اللي يدوسون الاخطار
من مثل ابو متعب للامجاد رايم
للمجد كساب وللخصم قهار
عنده لتوضيح الحقائق عزايم
رجل المهمه يعطي الشور ويشار
مهما تصعّب ما يعرف الهزايم
زبن الامور اللي بهاالفكر يحتار
طلق اليمين اللي يذب الخرايم
يهوم هوماتٍ كبيرات وعسار
حط العروبه هاجسه واللزايم
رجل السلام لمن بغى السلم واختار
وان كانها جت بالشدد والحزايم
صنديد قوم ما يحسب للاشرار
زير الرجال ليا تلاقا الخصايم
ليثً تبيّن هيبته يوم ينزار
صفاق لطام البحور العوايم
خاض الامور اللي ورأكل الابحار
شبحه يطول المبعدات الهوايم
ليثً يهقونّه طويلات الاشبار
غنام يكسب مجزلات الغنايم
حرٍ مخاليبه تقل وصف جزار
الله يفكه من شرور السهايم
ذخر الوطن عز العرب سر وجهار
