كأس الملك ناله هلال البطولات
ماهي غريبة بس الإنجاز غالي
بليله زرع بشفاهنا أحلى ابتسامات
ليلة خميس وكانت أحلى الليالي
فاز وصعد زعيمنا أعلى المنصات
وتوّج بطل يرفع بها الكاس عالي
وصفق له الجمهور وزاد الهتافات
مبروك لك يا ذا الزعيم المثالي
ياما انتظرنا بس هيهات.. هيهات
عن الزعيم الكاس ماله مجالي
نال الصعب والصعب يبغى رجالات
تتعب على شانه ولاهي تبالي
ياسعود بن تركي لك أبعث تحيات
ومعها وفا يا من رقيت المعالي
وأقول لك مبروك ياطيب الذات
عز الله إنه طاب فالك وفالي
نيل الذهب صارت مع الوقت عادات
وأولى المراكز عادة لاتزالي
زعيم فنه فن في كل الأوقات
كامل ولله العزيز الكمالي
له في علو المجد صوله وجولات
معروف عندالناس بأول وتالي
ماهو مهم أكتب جميل العبارات
بس المهم الكاس عوّد هلالي
