يا هاجسي داعيك ضمن الحزينين
مال الفرح فيما بدالك بوادي
لو كان من حولي من الناس سالين
أنا مكاين علتي في فؤادي
جاني صباح السبت بالعلم الأدنين
على جهاز التيل واضعف جلادي
أعذرت فالمجلاس بين الخليلين
وظلّم على نور البصيرة سوادي
وارخصت من ما لم بي دمعة العين
لو كان دمع العين ما قيل فادي
جبل عليه العبد والعبد مسكين
عمره كما زرعٍ قفاه الحصادي
ولولا اليقين بمرجع الخلق تيقين
بمصيبتي لصعق بصوتي ونادي
بسمه علن لو ينصحون النصوحين
ويحس كلٍ بالذي لي غادي
اللي غدا لي ضمن من كان غادين
أهل المروه والوجيه الجدادي
للضيف والعاني وللي قريبين
وللجار مثل مفرجٍ والمهادي
وسيلة الدنيا وغايتهم الدين
ولا ظل من له نور الاسلام هادي
عسى العوض باللي للاجواد باقين
ابناهم اللي كل منهم سدادي
وحنا على مشي المفاقيد ماشين
سنة حياة وللإله المعادي
الله يثبتنا بعرض الموازين
ويجعل لنا من باب عفوه منادي
وفقيدنا يجزى بخضر البساتين
جناتٍ الاعمار فيها جدادي
لا موت يدركهم ولا هم مسنين
والحور منهن شايع النور بادي
ومالا رأت عينٍ ولا سمع موحين
فيها ولا يخطر بفكر العبادي
مثواه فيها يا سميع المناجين
تقبل دعاي ومن سمع في مرادي
يقول بتلى دعوة الداعي آمين
والله جواد ولا يرد الجوادي
وصلوا على خاتم جميع النبيين
عداد يصدح بالفلاح المنادي
