سوالف الحب الحقيقي لها ذوق
لاسمعها الذواق هزت خفوقه
اللي لروحه مع هل الغي طاروق
يعرف مواجيبه.. ويعرف حقوقه
يغيب مع صوت التناهيد ويفوق
من حايرٍ ما بين شوقه وعوقه
يا غصن يا مياس لاهزك الشوق
ولقيت شفك كايداتٍ طروقه
اصبر وقل: ما كل مطرود ملحوق
واقنع بما جابه نصيبك يسوقه
وإن كان نفسك طايبه فاكسر الطوق
خل الزمن يفتق ويرفا فتوقه
قلها: بصوت يسمعه كل مخلوق
النفس ماهي للعذاب مخلوقه
