الا يا نوري اللي مقتدي به في ظلام الليل
ينور ليالي مظلمة ملزوم مسراها
سألتك وانت لعيوني كما الكشاف والدربيل
تحكم بالنظر وتغير النظرة ومجراها
سألتك لا تغيب ويبتليني هاجسي والويل
تراك أنت الوحيد اللي هموم النفس تدراها
أظن الوضع ما يعجبك وان شفت الدموع تسيل
من عيون على شوفتك هم الشوق يبراها
إذا انك ناوي تبعد تجيب الورد والمنديل
علشان العيون تهدي الخافق بذكراها
عسى قول سمعته يندثر ويصير قال وقيل
ولكن غيرتي تفقدني اليمنى ويسراها
عساها تاصل المقصود وتلاقي لها تقبيل
وعساها تفهم المعنى وتاخذها وتقراها
