نشرنا في عدد الأسبوع الماضي لغزاً كتبه الشاعر فهاد بن عايض بن عمير من الرياض ويقول فيه:
أنشدك عن رجلٍ مسمى ومعروف وقت الشدايد ينفعك بس ينعاف ينفعك بظروف ويحرجك بظروف يركب عليك ولا تشيله بالاطراف |
وكان حله «الدين» وقد جاءت الحلول الصحيحة كما يلي:
بعد اعتزالي عام باسباب واظروف اليو أبا أشارك رجالاً وعراف واللغز يافهاد واضح ومكشوف «الدين» حله والتحية لك أضعاف |
عيد مقبول الفليو الشراري
ياتراث مجدك ما كتبتيه بحروف لا والله الا بالتميز والانصاف وفهاد ابرسل له نصيحه بمظروف واقول هم «الدين» بالعين ينشاف |
عطا الله بن سليمان العطا الله الزلفي
فهاد بن عايض بك الطيب معروف رجل تبي نخبرك باسمه والأوصاف الدين شيخ الهم والضيق واحلوف كم واحدٍ من سبته شاف ماعاف |
فهد بن عقيل الطويان بريدة
يامرحبا ترحيب بالطيب موصوف ترحيب ينشر في الجزيرة وينشاف ويقرا المتابع رمعة اللغز ويشوف الدين ولا القسط يحرج لياطاف |
جهاد المطيري
قريت من لغزه عن النقص مصروف وبعض الخفايا فيه تقرأ وتنشاف حله نقول الدين واضح ومعروف ذي رمعتي وان كان صابت بالأهداف |
علي الحربي
يامرحبا عداد خط بمظروف وعداد من لبى وللبيت قد طاف حل اللغز عندي عرفته ومكشوف الدين ملزوم شهود وعراف |
ظافي بن سعود الغياثات الأفلاج
ياحظ مخلوقٍ بلا هم وكلوف ما للعرب في ذمته «دين» واسلاف لو راس ماله قوت يومه بمصروف مغبوط كنه يملك آلاف وآلاف |
سرور سفاح
ليتك تدش بداخل القلب وتشوف في داخل المديون قلبه له ارجاف لاجاه طلابه بحقه وملهوف «الدين» حلت مدته والوعد طاف |
أبو هاني السعدي المدينة المنورة
يامرحبا واهلاً ملايين وولوف في صفحةٍ يفخر بها كل عراف ويالوف قلبي ياهل المعرفة لوف «الدين» كثر ولا تحققت الأهداف |
شبيب بن هذال الوندان
سلمت ياابن عمير من كل صادوف يااللي حكمت اللغز واحسنت الأوصاف والدين شبهته مثل راس نفنوف حلو براده ميرتاليه ميهاف |
عبدالله هليل الحربي الخرج
اللغز ياابن الناس واضح ومشيوف في وقتنا هذا معنى الناس ينشاف وأنا رمعت الحل في خمسة أحروف ذاك السلف ياشين تكثير لسلاف |
ماجد عجاب الحربي «أبو فهد»
ياالله يااللي ترحم العبد واتروف يامنقذ ذا النون من بعد ماخاف ياعالم ما كان بالحال واتشوف عمري مضى و«الدين» قدام واخلاف |
عبداللطيف بن سعود الدعفس
اللغز يافهاد قد لافني لوف عجزت اشيله وارتكي له بالأكتاف عزي لمن ديانته عنده وقوف يبون دين موعده عندهم طاف |
سعود بن شنار السهلي الدرعية
أعيش أنا بالدين حدتني ظروف ظرفاً يشاف وظرفاً ماهوب ينشاف جيت أتسلف بس قدملي حلوف الله توعد كل كاذب وحلاف |
سعد بن صنهات السهلي الدرعية
ياهل الجزيرة جتكم أوراق وحروف من شاعرٍ تال الزمن سايق اسعاف سبة ديون بالنحر كنها سيوف ومثل الجبال الراسية فوق الأكتاف |
نادر محمد الرشيدي عنيزة
يااللي كتبت اللغز بنقاط وحروف حنا نجيب الحل ونصخر القاف ترى السلف والدين في الناس مشيوف هذا جوابي وانشدوا كل عراف |
عبدالهادي العرجاني الأفلاج
اللغز يابن عمير واضح ومعروف الدين كم رجلٍ تورط بالالاف ويكمن بتالي الوقت بيدك مكتوف حتى توفي ماخذيتها من أسلاف |
جمعان جابر سلطان القحطاني
اللغز يافهاد ثلاثة حروف ومن طاولة يصبر على مر ما شاف برمي حسب ظني عسى الدين مخلوف والله يعين اللي يشيلة بالأكتاف |
مبارك الدوسري
سلام عد اللي يكتب من حروف التراثنا وشاعر ومن قرا وشاف والدين ماحداً ياخذه غير الظروف وعيبن على رجال لوموعده طاف |
سعيد سعود الرشيدي عنيزة
يامبعد الهقوة ورى مدت الشوف وش به على شاشة معانيك ينشاف هو بان علمٍ لابدا يبرد الجوف وإلا نقول الدين ياهل الوفا طاف |
فهد الجروان الزلفي
اللغز ما أظنه على مثلي يطوف لاصار مكتوبٍ على قصد وأهداف أكشف غموضه وأنتظر حكم منصوف وإن قلت حله دين من قال كشاف |
فيصل فهد العمار الزلفي
ياللي بحل اللغز مولع ومشغوف الله يعينك لا غطى لغزنا لحاف حاول بحله.. وافرك كفوف بكفوف ليما تخلص راعي الدين باسلاف |
بدر عبدالعزيز العمار الزلفي
يامرحبابك عد ما يكتب حروف ياكاتب لغزك عسى مابك خلاف دامٍ جواب اللغز يحتاج مصروف ياكثر من «دينه» عجز حمله أكتاف |
عبدالإله حسن الضفيري المزاحمية
لقيت لغزٍ باحلى الالفاظ موصوف بالصفحة اللي فيها الابداع ينشاف حله تراه الدين للناس معروف عزي لمن هو كثر اليوم الاسلاف |
صالح عبدالله الزرير التميمي الرس
ياتراث لك حقٍ علينا ومعروف حفظ التراث وحفظ تاريخ الأسلاف واللغز لها غامض ولا هوب مكشوف و«الدين» حله ماعلى حله خلاف |
محمد بن حمد البدر الزلفي
يامرحبابك عد ما وقفوا صفوف ورا حبيب والمعنى وصياف وأنا قريت اللغز والحل معروف هذا حزامٍ تربطه فوق الاكتاف |
محمد بن عبدالكريم الشايع بريدة
ياللي كتبت اللغز بأبيات وحروف يامرحبا ترحيبه تنعد وتشاف أنا أشهد أن حمله ثقيل ومشيوف الدين هم يكسر ضلوع رهاف |
ناصر فائز الشمري حائل
أرسل سلامي فاكس من دون مظروف لأهل التراث الرد قاف على قاف قريت لغز من عبارات وحروف الدين حله لا تمعنت الأوصاف |
علي رشيد الرشيد رياض الخبراء
فهاد لغزك واضح وصار مكشوف وقت قريته ما خفاني بالاوصاف أقول هذا الدين راعيه في خوف من خلفه الديان يلهف تلهاف |
محمد بن عبدالعزيز الحنيفر أشيقر
أصغر من الدبوس وابعد من الشوق ومرثية فهاد وحروفه انظاف والدين لو ينفس على حلوة الجوف ما عاد يوكل تمرها ياهل الانصاف |
محمد عبدالكريم الغزي الزلفي
اللغز بعد البحث ياصاح معروف أنشهد أنه صح ينعاف ينعاف بالليل هم ولا أصبح الصبح في خوف الدين هماً داخل الرجل مايشاف |
محمد نماء الحربي حفر الباطن
الدين ياكوده لو تجمع ألوف حمل ثقيل ولا تشيله بالأطراف حان السداد وكل وقت له ظروف الناس لها ناس وكلٍ له أهداف |
مبارك خليفة العنزي الجوف
يامرحبابك عد ما عيني تشوف وأعداد من يسعى وياقف ويطاف واللغز يافهاد بين ومكشوف هذي ديون العبد تخفى وتنشاف |
سعد بن مويزر البدراني الرس
