Al-jazirah

أبيات مختارة أبيات مختارة
اختيار : حسين محمد الصيخان - الرس

* يقول الأمير محمد بن أحمد السديري:

لا تقرب الأجرب بالامراض يعطيك
يصبر جسمك مثل جسمه عليلي
ممشا الخفا من صافي العقل يسلبك
ويصبر لك يم الرذيلة سبيلي
وعن مارد الأنذال نزّه مشاربك
واشرب نظيف لو واردك طويلي

* ويقول راشد الخلاوي

ومن تابع المشراق والكن والذرا
يموت ما حاشت يديه الفوايد
الأيام ما باقي بها كثر مامضى
والأعمار ما اللي فات منها بعايد
نعد الليالي والليالي تعدنا
والأعمار تفنى والليالي بزايد

* ويقول سليمان بن شريم

أصحى لخلان الرخا لو تغالوك
أعرف ترى أطيبهم إلى احتجت يجفاك
كنك خوى امقيظ دهووك وأغووك
وخفك عطاك ارشاك واقفا وخلاك

* بركات الشريف يقول في إحدى قصائده:

ترا الضايع بين الأجواد تشريك
واليا طمعت بفرسها لا تعداك
وأوف الرجال حقوقها قبل تعنيك
ولا تعتمد بالقول والحق يقفاك

* وهذا محمد العبدالله القاضي يقول:

لا تبدي أسرارك لمن لا يودك
ترا كثر نصاصيحك يريدون الاشرافي
تخير من اجناسك صديق توده
وثيقٍ عميق السر للعلم عرافي
يتحمل لزلاتك ويبصرك ماخفا
وقلبه دربيلٍ للأبعاد كشافي

* ويقول عبدالله بن صقيه التميمي

ساس الردي لابد مبناه ينهال ولد
الردي صاحي تحطه بطانه
ترى الذهب من صافي جنيه واريال
ما يختلف ياديب طيله زمانه
تلقاه وقت الضيق لا ضكك الجال
الصفر لا يغريك زين المعانه