مرحوم ياللي مات والكل ينعاه
نال الكرامه والشرف في سجله
ياليتني والموت ما احد تمناه
هوه بقى وأنا الذي في محله
أنا أشهد انه وافيٍ في سجاياه
تلقى الشجاعة والكرم مدهلله
فادى بروحه لين ربه توفاه
دون الوطن والدين روحه فدله
دون الوطن ضحى وحنا فقدناه
طاعة ولي الأمر كله رضى له
الله يجعل جنة الخلد ماواه
ولعل قبره روضة مستظلة
يالله ياللي كل نفس ترجاه
ارحم صغار دلهم مثل دله
لعل يمنى ما تجي مثل يمناه
تكسر وراعيها رهين المذلة
قلبي تهشم كل ما حل طرياه
والعين هلت دمعها راح كله
ضاقت علي الأرض والصبر ما أقواه
وقالوا لي انسه قلت يا ناس لله
ما أنساه ما دام أنا حي ما أنساه
ولا ينسى مثله ولو داس زله
وصلاة ربي عد مزنٍ نثرماه
على نبي حرر الدين كله
