نجم القصيم اليوم عاد لمداره
مع النجوم الساطعة والمشاهير
رائد صعد.. رائد رجع في جداره
مثل السيول الجارفة والأعاصير
نادٍ جعل رمز التحدي شعاره
اللي يبيه يصير.. ويصير.. ويصير
المجد من خمسين عامٍ بداره
ما هو جديد!! اللي حصل زود تطوير
أبيض مع أسود هو شعار الصداره
واللون الأحمر فيه للخصم تحذير
الله على الرائد وروعة مساره
يا كثر ما سقنا لفوزه تباشير
ناس لاجل حبه تعشق الجساره
وناس لاجل حبه تسوق الدنانير
وناس تخطط له بفن ومهاره
حتى غدا فنان باللعب.. ومثير
وناسٍ تعيش افراحها بانتصاره
من يعشق الرائد فلا يعشق الغير
خلفه رجال ما تحسب الخساره
ما هي قليله.. من يعد الطوابير؟!
أعضاء شرف تدعم جهود الإداره
واللاعبين.. ولا حصل فيه تقصير
لهم التحيه تُختصر في عباره
جهودهم حازت على كل تقدير
من كثر جمهورك صنعت الإثاره
محسود يا الرائد بحب الجماهير
