الصدر ضايق وقلبي تشتعل ناره
والفكر شارد وليل الهم ساريبه
والدمع جاري وخلي غابت اخباره
ابطى عليه وعذبني باساليبه
ضاعت حياتي وروحي فيه مختاره
مليت صده وهجرانه وتعذيبه
الصاحب اللي شبيه البدر بانواره
في كل ساعة اناديبه واهليبه
الصاحب اللي بعيني بيته وداره
اللي تربى على عيني وداريبه
أنا أشهد انه ربيع العمر وازهاره
تذبل غراس الحشا لو طول الغيبه
ليته درى بالذي باحت به أسراره
من ضيق صدره يهم الثوب يرميبه
ياسيدي لك فؤادي نظم أشعاره
يستعطفك ليت توفي له مطاليبه
