مية هلا يا منور الدار بضياك
مية هلا.. يا نور نجد وسفرها
مية هلا.. في رجعتك لا عدمناك
فيك انت يا نور القلوب وقمرها
أهلاً هلا بك.. عد ما سارت خطاك
وخطاك.. تتعب من يتابع لاثرها
أهلاً هلا بك.. عدة نجوم وافلاك
وكثر الطبيعة برها.. مع شجرها
وكثر البشر.. وطيورها.. وايضا.. الاسماك
وكثر الورود.. وكثر جملة زهرها
واعداد ما مديت من جود يمناك
واغنيت لاسرة فقرها.. قد دمرها
يا سيدي سلطان.. يا عز من جاك
يا فزعة اللي غارقٍ في بحرها
المدح لامنه وصل لك.. تغشّاك
كل القصايد تزدهر بك دررها
حقٍ.. نرحب بك نهلي بملفاك
وجبنا القصايد كلها يا فخرها
فيك انت جبنا للقصايد وتزهاك
وان غبت والله دايمٍ بنهجرها
بس انت ساكن.. وسط هذي.. وهذاك
فالقلب ساكن.. والعيون ونظرها
من وين ما تغضي النواظر.. رأيناك
متوسطٍ بالعين شوفك عمرها
قلته وفا.. ماني منافق.. وكلاّك
مخلص واقوله سرها.. مع جهرها
واعود لاول ما ذكرته بلقياك
أبيات شعرٍ قلتها في نهرها
مية هلا يا منور الدار بضياك
سلطان.. يا نور القلوب وسفرها
