افضل حصان بها الكون كله وابركه
كاسه كلينتون وهيلاري اللي سلموك
افضل حصان بها الكون كله تملكه
وافضل اهل الجود يا سيدي سلمان ابوك
فيك وصل طيب والطيب درب تسلكه
كأس جاك العلم جابه وقدمته لخوك
اخضر وابيض شعاره شعار المملكة
راية التوحيد والعز وشعار الملوك
انت ريس فخري الخيل خصمك تفتكه
شيخنا حتى المريكان فيهم شيخوك
كل كاس بالحصان السعودي تدركه
الميادين الشهيرة ملكها لقبوك
مثل جاك العلم يستاهل انك تشركه
اشقر فتان من صفرة الصبح محكوك
كل مهرٍ من خيولك يشرف مسلكه
يشهد الكنتاكي وشارب كات ان غالطوك
اثر بعض الناس شهرة خيوله فبركه
العرب لو تجتمع خيلهم ما نافسوك
من يطاولك المعالي بفعلك تهلكه
يابو فيصل بعضهم لو يهنون حسدوك
