ما بقى لليالي غير نطرة نهار
أحترق في غلاها واخطف أنظارها
انتظرها ونفسي تسبق الانتظار
ودي أخمد برغبة خاطري نارها
وانتهي من سواليف عليها غبار
ما قدرت احتويها وانفض اغبارها
وأشعل شموع عمري من جروح القرار
وألمس الفرحة اللي غابت أخبارها
واعتبرها على مسراي رد اعتبار
والمدامع تسابقني على ثارها
ما أنكر على ماضي مضالي أغار
قبل روحك تشوه صورة أسرارها
كنت أحاول وأحاول لحظة الانهيار
وشمس عمري تلاشى عني أنوارها
أحسب أن المحبة ما وراها اختيار
واحسب أنك معي وافي بمشوارها
