رفيقي اللي ليامني نصيته .. رفيق
القاه له فزةٍ تسبق حلى .. منطقه
أذوقها فزته مثل العسل .. والرحيق
يا طيبها فزعته يا ناس . ومعانقه
ما عمر يومٍ لقيته من سؤالي يضيق
عنده سعة صدر والله الولي خالقه
دايم على لسانه الفزعة تساوي فريق
ولا خير فيها حياةٍ ما تفك.. اخنقه
مثله ليا جاك ناصي قابله.. لا تعيق
واياك تكثر عليه الأسئلة.. تحرقه
وافزع بما تملكه لو هي بحبه دقيق
يذوقها أحلى من الصيدات في بندقه
ويقيسها بداخله اكبر من اطول طريق
ويشوفها اكثر كثير من الذي.. حققه!!
