إن جيتي أهلا,, وإن نويتي تروحين

الله يسهل كل دربٍ مشيتي

دام الغلا ماله بعرفك موازين

تبقى المحبة فوق معنىً هقيتي

تعبت اجامل من ها كالوقت للحين

إما حياة الحب وإلا انتهيتي

مرّة تموتي شوق ومرّة تسجين

احترت مدري بالهوى وش بغيتي

هذي احبال الود كانك تودين

باكون اوفى من زمانٍ وفيتي

وبعطيك أسمى ما عطوه المحبين

ويجتهد في كل شيء هويتي

ما هوب ضعفي لكن القصد تدرين

إن العطاء بطبوعنا لو دريتي

وإن عدتي الكرة وجالك تخونين

أظن بعتي للأسف ما اشتريني

ماني من اللي يوطي الراس ويلين

روحي عسى التوفيق درب وطيتي

والعزة اللي جارية بالشرايين

تبقى معي مادمت لو ما بقيتي