غريب والمآسي صارت بدنياه له عنوان
رحل وإلا بقى كله سوى والوضع متشابه
غريب رحلته كله هموم وكلها حرمان
مشى بدرب الحزن والا السعادة ما عرف بابه
أحس الوقت ظالم نوب,, نوب أقول أنا الغلطان
وابري ساحته من ما جرى لي وانهي عتابه
واحس الناس تضحك لي واحس قلوبهم عدوان
واحس الناس تبدي لي ملامح حب كذابه
أحيان اصدق احساسي واعود اكذبه احيان
وعجزت أعرف نهاية واقعي ومنين انا ابدابه
واعود واتهم حظي واقول انه هو التعبان
واحمله الخطا وأقول هذي كله أسبابه
واعاند رغم كل اللي جرى واقاوم الاحزان
وأقول انه سحابة صيف لا هب الهواء اقفى به
ولكن في النهاية اكتشف اني أنا الخسران
على رجوى الفرح أحيا ولكن طول غيابه
